今日係星期日, ne次要用中文打~ 因怕佢會睇到, 但真係不吐不快~!

今日佢突然打電話黎話想出黎, ok啦~ 我見都冇咩好做, 就應承出黎~ 食左"午餐"之後, 就去左打檯波.....咁就有事發生喇~! 佢竟然向我表白~! *^.^* 我就梗係傻左啦~ 以下佢講既野, 括號內容係我既回應. 

佢話: 如果佢想跟我約會,我點睇~!(我冇答) 因為佢喜歡我! 留意左我好耐, 就算上堂都不時望我 (心諗有咩!?!), 覺得我靚同身型幾好 (睇到麻煩唔好笑! 不過當時我笑左~ XDD) 問我有冇交過非華人既男朋友, (我話冇) 雖然大家識左唔係好耐, 但係想了解多D~ 咁問我覺得佢點~(er.... 我話等我諗下先, 咁突然攪到我面都紅晒, 唔知俾咩反應)

佢已經嚇親我~ 勁失水準 (本身已經唔係打得好好), 更有幾次勁"魚"咁唔係對住個白波打而入左洞:>_<:|||

之後佢戴左我行去海灘, 因為佢仲想搵地方行下,而我就想係katherine黎之前睇下有咩景點好去~ 真係都幾唔近下~ 途中佢又傾左一輪...都係果d野~ 太多唔知點repeat! 去到喇~ 真係好靚既海灘~! 死喇我係唔係好衰~ 我地坐左係沙灘到傾計, 玩...真係好似係到拍拖咁~ 佢仲愈坐愈近.....之後去左買野食係海邊到食.....又係咁~ 佢話會坐埋d大家會暖d~ .....我真係好衰, 由佢冇阻止到||||

本來好興奮佢咁樣表白, 回程時佢講我另一個朋友(唔係太熟, 不過有一齊打"雨"毛球同壁球架) 話: 佢好假, 唔會再相信佢講既野,打電話打左幾次俾佢都唔覆, sms又係咁~ 約佢(她)去打波, 佢唔去話同男朋友一齊~ 他覺得好嬲,覺得俾人呃左.....係對她有興趣過~ 都係覺得我好d~ 個人又好相處, 同我一齊relax d~

係今日--我睇左他電話!!! 他發俾她既短訊係今日!!!! 我聽緊佢講時已經唔多高興, 睇到佢電話後,  直頭咩心情都冇晒簡直係慶tim呀~ 係唔係因為她有男朋友唔選佢, 佢就黎搵我~!?! 定係佢 追緊我既同時又追她~!? 當我係咩呀!?!